Interi vazhdon të rritë talentë shqiptarë.

Armand Rada është kuqeziu i radhës që po shkëlqen te gjigantët italianë. Mesfushori i përfaqësueses së 19-vjeçarëve është një prej protagonistëve të skuadrës së të rinjve, që fitoi Superkupën e Italisë.

Zikaltërit fituan 2-1 në finalen e luajtur në San Siro. Pas avantazhit të shpejt me Colidion, Roma barazoi shifrat me Marcucin në minutën e gjashtë.

Për të caktuar fituesin e trofeut u nevojit koha shtesë, me sulmuesin amerikanojugor, Colidio, që në të 117-ën realizoi golin e dytë personal duke vulosur triumfin e Interit, përcjellë SuperSport.

Mesfushori Ardit Rada luajti gjatë gjithë ndeshjes, ndërsa bëhet shqiptari i dytë që fiton kupë me ekipin e të rinjve të Interit, pas Rey Manajt.

Por, këtë herë trofeu i Superkupës ka vlera historike, sepse fitohej për herë të parë nga zikaltrit. Një mënyrë për të ëndërruar dhe shpresuar se talenti 19-vjeçar shqiptar do të vazhdojë të shkruajë historinë te Interi. /SS/

https://twitter.com/Inter/status/950072056460197888?ref_src=twsrc%5Etfw&ref_url=https%3A%2F%2Ftelegrafi.com%2Fshqiptari-armand-rada-fiton-superkupen-e-italise-te-rinjte-e-interit%2F